Category Archives: RomaNet alprogramok

RomaNet Koperaciaki Drakhin

O „RomaNet Koperaciaki Drakhin” anavesko projekto tela o Ungriko Them-Slovakia „Perdal pe Granyica Koperaciako Programo” rakhadyilas mashkar o 2010-to bersh februar 1. thaj mashkar o 2011-to bersh januar 30. O programo e Europaki Unia lovardas anda kodo, hoj ande kethanipe te del vast kodola gaven save pasha e ungriko-slovakiko granyica pashjon.

Sostar trubul kado programo

Le romen general cino sityimasko/edukaciako nivelo si, ucho bibutyaki rata si, na vaj phares zhan kaj o doktori, but zhene ande chorre khera beshen thaj zurali diskriminacia len len krujal. Le europake roma butivar ande majnasul situacia beshen sar le gazhe vaj sar le avera minoriteti. Lengi socialno thaj ekonomikani situacia phararel o anglipatyape so resel len. Le romengi pershpektiva bares umblal kathar kodi, ke soske profesionalne romane asociacii si len. Tela o programo kodo dikhlam thaj vi kodo shundam so phenenas amare partnerura, ke ande Slovakia pasha e Besztercebánya thaj pasha e Kassa, thaj ando Ungriko Them kaj e Vordorigutni-Ungriko Regia (e majchorri rig ande solduj thema) le romene organizaciengo profesionalno nivelo maj tele si, sar kavera asociacengo nivelo, save ande kaver regia keren butyi ando Ungriko Them thaj ande Slovakia. Bare lupunzipe trubun tele te len anda kodi, hoj te zhanen penge hakaja thaj interesi te resen.

Le xasajipenge asha kodi si, ke naj dosta informacia thaj profesia, so anel thaj del e integracia pe but bersha. Anda kodi, hoj te resas maj ucho nivelo, trubul te zurjarel pes o romano civilo sektoro. Anda kado musaj te sityuven, thaj nyeve formi trubun te keren thaj kethane ande koperacia si te keren butyi.

2009-2011 RomaNet Érdekképviseleti Hálózat – Fórumsorozat

Kana aba amari butyi kerasas, daspe angle jekh pinzhardi problema: le romane terne talentumura, kon zhanenas pengi vorba te vazden, and o civilno trajo avri ashon, naj shanca pe kodo, hoj avri te parruvelpe e generacija. Pe kadi problema kade reagalindam, hoj ando 2009-to bersh le terne generaciovoske kerdam gethanipeski serija sa­vesko anav sas: „Zhas amenge!” Ande la serijaki angluni vrama, mashkar le 2009-2010 bersha, kon ando progra­mo ande sas shtare bare foroske 7 (efta) cinne forura thaj gava: sa-sa bishvar zhangle pengo zhanipo te zuralen.

E dujto serija mashkar le 2010—2011- bersha sas. Ando 2011-to bersh, ando majushi jekh sociograficko iskiripo zhanglam te keras, so ande sikavel kodola thana, kaj le roma trajinen.